Caput IVLiber Psalmorum

1. 1In finem, in carminibus. Psalmus David.
2. 2 Cum invocarem exaudivit me Deus justitiæ meæ, in tribulatione dilatasti mihi. Miserere mei, et exaudi orationem meam.
3. 3 Filii hominum, usquequo gravi corde ? ut quid diligitis vanitatem, et quæritis mendacium ?
4. 4 Et scitote quoniam mirificavit Dominus sanctum suum ; Dominus exaudiet me cum clamavero ad eum.
5. 5 Irascimini, et nolite peccare ; quæ dicitis in cordibus vestris, in cubilibus vestris compungimini.
6. 6 Sacrificate sacrificium justitiæ, et sperate in Domino. Multi dicunt : Quis ostendit nobis bona ?
7. 7 Signatum est super nos lumen vultus tui, Domine : dedisti lætitiam in corde meo.
8. 8 A fructu frumenti, vini, et olei sui, multiplicati sunt.
9. 9 In pace in idipsum dormiam, et requiescam ;
10. 10 quoniam tu, Domine, singulariter in spe constituisti me.