Caput CXXVIIILiber Psalmorum

1. 1Canticum graduum. Sæpe expugnaverunt me a juventute mea, dicat nunc Israël ;
2. 2 sæpe expugnaverunt me a juventute mea : etenim non potuerunt mihi.
3. 3 Supra dorsum meum fabricaverunt peccatores ; prolongaverunt iniquitatem suam.
4. 4 Dominus justus concidit cervices peccatorum.
5. 5 Confundantur, et convertantur retrorsum omnes qui oderunt Sion.
6. 6 Fiant sicut fœnum tectorum, quod priusquam evellatur exaruit :
7. 7 de quo non implevit manum suam qui metit, et sinum suum qui manipulos colligit.
8. 8 Et non dixerunt qui præteribant : Benedictio Domini super vos. Benediximus vobis in nomine Domini.